Leita í fréttum mbl.is

Bloggfærslur mánaðarins, júlí 2009

Ekkert slór!

Gott mál - við erum búin að bíða nógu lengi eftir því að þessar blessuðu aðildarviðræður hefjist. Vonandi verður ríkisstjórnin jafn rösk til þeirra verka sem nú bíða hennar.

Upp með ermarnar!


mbl.is Búið að sækja um ESB-aðild
Tilkynna um óviðeigandi tengingu við frétt

Stórt skref í rétta átt

Með því skrefi sem þingið steig í dag er loksins hægt að fara að kanna hvaða erindi við eigum inn í Evrópusambandið og hvort við eigum eitthvert erindi þangað. Það mun þjóðin síðan ákveða í ljósi raunhæfra upplýsinga.

Vonandi kemur í ljós að með inngöngu batni lífskjör almennings í þessu landi - ekki veitir af.  

En það verður ekki einungis forvitnilegt að komast að því hvað við fáum út úr inngöngu í sambandið heldur einnig því hvort við höfum ekki eitthvað fram að færa í því samfélagi sem Evrópusambandið er.

Til hamingju með daginn Smile

 


mbl.is Samþykkt að senda inn umsókn
Tilkynna um óviðeigandi tengingu við frétt

Fyrsta feilsporið

Þarna stígur Borgarahreyfingin sitt fyrsta feilspor. Því miður. Ég þóttist vera farin að sjá fram á að sú hreyfing yrði vinin í þeirri pólitísku eyðimörk sem við höfum búið við undanfarin ár.

Vonandi hverfa þau aftur til þess að greiða atkvæði samskvæmt samvisku sinni í hverju einstöku máli.


mbl.is „Bregðast trausti kjósenda"
Tilkynna um óviðeigandi tengingu við frétt

Blaut tuska frá Björgólfsfeðgum

Þetta svokallaða "tilboð" Björgólfsfeðga hlýtur að vera mesta ósvífni Íslandssögunnar.

Að skvetta þessu framan í þjóðina um leið og verið er að neyða okkur til að borga Icesave-skuldir þessara sömu manna upp á fleiri hundruð milljarða er þvílík óhæfa að annað eins hefur ekki heyrst í manna minnum.

Að málið skuli vera til umræðu, eins og haft er eftir forstöðumönnum Kaupþings, er svo eitt hneykslið í viðbót.

Að sjálfsögðu á ekki að ræða þetta mál, það á að senda þessa menn heim til sín að sækja peninga til að borga skuldir sínar.

Sá yngri er enn á lista yfir ríkustu menn heims og ætti að skammast sín!!!

Ætli málið yrði haft "til umræðu" ef við, almennir borgarar, gerðum bönkunum svona "tilboð" um að borga tæpan helming af skuldum okkar?

Ó, nei, það er ekki reynsla þeirra sem nú eru að missa heimili sín vegna gjörða þessara manna og kollega þeirra.

Ég er hrædd um að Vilhjálmur hafi á réttu að standa, hér muni brjótast út borgarastyrjöld ef Kaupþing verður við þessum ósvífnu óskum feðganna.


mbl.is Varar við borgarastyrjöld
Tilkynna um óviðeigandi tengingu við frétt

Höfundur

Sonja B. Jónsdóttir
Sonja B. Jónsdóttir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband