Leita í fréttum mbl.is

Enga pólitíkusa í Seðlabankann

Það ætti að vera ákvæði um það í nýjum lögum um ráðningu seðlabankastjóra að bannað sé að ráða útbrunna og afdankaða stjórnmálamenn.


mbl.is Faglegan Seðlabanka
Tilkynna um óviðeigandi tengingu við frétt

Fátt er svo með öllu illt

Þetta er rétt hjá Lilju, nú höfum við tækifæri til að skapa nýtt þjóðfélag með nýjum áherslum. Við þurfum að endurskoða okkar gildi. Konur þurfa og eiga að vera með í ráðum þegar mikilvægar ákvarðanir eru teknar.  Er sammála Lilju um nauðsyn þess að allar aðgerðir verði metnar út frá áhrifum þeirra á bæði kynin, áhætta verði metin á raunsæjan hátt en ekki af óskhyggju og að við horfum til framtíðar þegar við tökum ákvarðanir.

Frjálshyggjan er dauð, við erum stödd í miðri jarðarför hennar. Við eigum að byggja á rústum hennar nýtt samfélag jöfnuðar sem hefur hagsmuni almennings að leiðarljósi.


mbl.is „Getum sagt skilið við annars flokks stöðu kvenna"
Tilkynna um óviðeigandi tengingu við frétt

Burt með brennuvarginn ...

... og þótt fyrr hefði verið. Það kann ekki góðri lukku að stýra að fela þeim sem kveikti eldana að slökkva þá. Enda logar nú sem aldrei fyrr.

Síðan þarf að ráða nýjan seðlabankastjóra á faglegum forsendum. Seðlabankinn á ekki að vera afdrep fyrir afdankaða stjórnmálamenn.


mbl.is Ágúst Ólafur: Vill að seðlabankastjórar víki
Tilkynna um óviðeigandi tengingu við frétt

Hversu heitur reitur?

Jahérna hér, ekki hafa íbúarnir á Seltjarnarnesi verið inntir álits á þessu - hvað ætli hitinn sé mikill? Ef eitthvað er að marka grunsemdir um skaðleg áhrif eins og koma fram í meðfylgjandi grein, sem birtist á visi.is., hefði kannski verið ráð að bíða með þetta þar til málið hefur verið rannsakað betur! Og ég heyrði ekki betur í kvöldfréttunum á RÚV en að Vodafone-maðurinn segði að fólk þyrfti samt sem áður að vera með sínar eigin nettengingar heima hjá sér - til hvers er þetta þá?

Vísir, 21. maí. 2007 11:18

Hætta af þráðlausum internettengingum

mynd
MYND/Getty Images

Sigríður Guðlaugsdóttir skrifar:

Heilsuverndarstofnun Bretlands íhugar nú að rannsaka hugsanlega hættu af þráðlausum internettengingum í skólum. Sir William Stewart yfirmaður stofnunarinnar sagði í viðtali við breska dagblaðið Daily Telegraph að vaxandi áhyggjur væru af áhrifum geislunar á börn.

Panorama þáttur BBC sýndi þátt nýverið þar sem í ljós kom að útgeislun í skólum væri þrisvar sinnum hærri en sú útgeislun sem stafar af farsímamöstrum.

Könnun þáttarins leiddi í ljós að geislun frá fartölvu sem tengd er þráðlaust væri þrisvar sinnum hærri en frá farsímamastri. Talið er að þráðlaus net séu í boði í 50-70 prósentum skóla í Bretlandi.

Breska dagblaðið Guardian sagði þó að könnun BBC væri afar óvísindaleg.

Nú er einnig kallað eftir rannsókn á geislun í borginni Norwich sem nýverið var gædd þráðlausu interneti. Borgin er sú fyrsta í Bretlandi sem tileinkar sér tæknina, en nú er mögulegt að tengjast netinu hvar sem er í Norwich. Meira en 200 loftnetum var komið fyrir víða um borgina.

Sigurður Harðarson rafeindavirki segir þráðlaust samband vera breytilegt eftir tíðnisviði og styrkleika sendanna. Stór þráðlaus kerfi í skólum geti haft áhrif á börn seinna, en þó sé fólk misjafnlega viðkvæmt fyrir því. Ekki sé hægt að fullyrða neitt um afleiðingarnar þar sem rannsóknir séu skammt á veg komnar.

Þó sé talið að afleiðingar geti verið þær að ef fólk sé mikið inn í rafsegulsviði þá brjóti það niður ónæmiskerfi líkamans á einhverjum tíma, svipað og með áhrif lyfja.

Sem dæmi um rafsegulgeislanir geti borðlampi sem er vitlaust tengdur gefið frá sér töluverða geislun, það mikla að fólk finni fyrir því. Rafmagnshitapokar séu einnig afar varhugaverðir þar sem rafsegulsviðið umkringi líkamann.

Farsíma eigi fólk sömuleiðis ekki að leggja beint að eyranu. Handfrjáls þráðlaus búnaður hafi mun lægri tíðni en annað áreyti í kringum okkur, meðal annars frá heimilistækjum. Reglan sé sú að eftir því sem búnaðurinn er skammdrægari, því minni áhrif hafi hann.


mbl.is Stærsti heiti reitur í heimi
Tilkynna um óviðeigandi tengingu við frétt

Þú ræður í dag

hverjir stjórna landinu á morgun.

Gleymum því ekki að í dag eru völdin í okkar höndum.

Látum atkvæðið okkar ekki falla dautt niður.

Við þurfum að skipta um ríkisstjórn.

Koma svo...

...kjósum xS


mbl.is Nærri helmingur búinn að kjósa
Tilkynna um óviðeigandi tengingu við frétt

Mennt er máttur!

Hér kemur almennilega skólastefna sem gefur öllum kost á að mennta sig. Það er ekki spurning að aukin menntun mun ekki aðeins koma einstaklingunum til góða heldur samfélaginu öllu.
mbl.is Samfylkingin boðar fjárfestingarátak í menntun
Tilkynna um óviðeigandi tengingu við frétt

Frábær frétt, en dáldið merkileg tímasetning...

Frábær frétt, þótt tímasetningin sé dáldið merkileg, svo ekki sé meira sagt.

Listaháskólinn er búinn að berjast lengi fyrir nýju húsnæði.

Það er löngu kominn tími til að Listaháskólinn geti sameinað allar deildir sínar undir einu þaki, það býður upp á miklu meiri samvinnu milli deilda en áður.

Og tími til kominn að myndlistardeildin komist út úr sláturhúsinu.

Það hlýtur að vera fagnaðarefni að Listaháskólinn sé á svipuðum slóðum og H.Í. þar sem samvinna þessara skóla í listasögu og listfræði er þegar hafin.

Til hamingju segi ég nú bara!


mbl.is Listaháskólinn fær lóð í Vatnsmýri
Tilkynna um óviðeigandi tengingu við frétt

Hverjir eru bestir?

Maðurinn minn, sem stundar Neslaugina á morgnana, var spurður að því um daginn hvað hann ætlaði að kjósa. Hann svaraði að bragði: "Ég ætla að kjósa þann flokk sem boðar mesta jöfnuðinn og er með skýrustu framtíðarsýnina." "Nú," sagði þá sá sem spurði, "þú ætlar sem sagt að kjósa Samfylkinguna." Þetta var sjálfstæðismaður sem spurði en hann var engu að síður með það á hreinu hverjir væru bestir!

Við félagarnir í Kraganum áttum mjög ánægjulegar stundir í gær þegar við vorum að heimsækja fólk á Seltjarnarnesi og gefa því jafnaðarmannarósir. Okkur var í einu orði sagt afskaplega vel tekið, margir sögðust ætla að kjósa okkur og sumir voru þegar búnir að því vegna þess að þeir voru að fara til útlanda fyrir kjördag.

Sem sagt: Skemmtilegur dagur á Seltjarnarnesi og góður byr í Kraganum!


Samfylkingin með toppeinkunn

Samfylkingin er á góðri siglingu og sækir stöðugt í sig veðrið. Fékk toppeinkunn fyrir efnahagsstefnuna hjá Guðmundi Ólafssyni í Silfrinu í dag.

Þetta er allt að koma, stefnan er góð í öllum málaflokkum og það skilar sér á kjördag.


mbl.is Gallupkönnun: Formaður Framsóknar nær ekki kjöri
Tilkynna um óviðeigandi tengingu við frétt

Enn af sögum Ellýjar

Ég var að pæla í því, eftir að ég las bloggið hennar Ellýjar um það þegar konan kom heim að manninum sínum og vinkonu Ellýjar að gamna sér í baðinu, hvernig svona sögur væru ef þær snerust um konur á mínum aldri. Hef reyndar stundum hugsað um það líka þegar ég les svipaðar sögur og svokallaðar "feel-good"-bækur sem snúast velflestar um ævi og ástir kvenna á þrítugs- og fertugsaldri.

Konan sem kom þarna að manninum sínum og vinkonu Ellýjar gæti nefnilega hugsanlega verið ein af vinkonum mínum að drífa sig út á flugvöll og síðan á fund í Brussel, London eða einhverri annarri stórborg en slíkar borgir eru orðnar eins og annað heimili sumra vinkvenna minna. Hún mætti ekkert vera að því að stressa sig á svona smámunum, því það biðu hennar miklu mikilvægari málefni í Brussel.

Í framhaldi af þessu varð mér hugsað til bíómyndar sem var nýlega sýnd í Sjónvarpinu og gerð var eftir sögu Pearl S. Buck. Hún gerðist í Kína, þar sem Pearl bjó lengi, og fjallaði um konu sem var orðin dauðleið á því að þjóna eiginmanni sínum í hvívetna og fann því unga stúlku til að giftast honum og verða kona hans nr. 2. Sjálf varð hún svo ástfangin af presti sem rak munaðarleysingjahæli í nágrenninu en sú saga endaði með ósköpum þegar Japanir réðust inn í Kína.

Ef til vill var eiginkonan í sögu Ellýjar í sömu sporum og kínverska konan, nema hvað hún losnaði við að leita sjálf að konu nr. 2 handa kallinum. Ef marka má þá kínversku hefur hún verið dauðfegin því að maðurinn hafði fundið sér eitthvað til dundurs enda sjálf á leið til Brussel og hver veit hver beið hennar þar?


« Fyrri síða | Næsta síða »

Höfundur

Sonja B. Jónsdóttir
Sonja B. Jónsdóttir
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband